കോവളം: ആളില്ലാതിരുന്ന വീടിന് തീപിടിച്ച് ലക്ഷങ്ങളുടെ നഷ്ടം. കോവളം കെ.എസ് റോഡില്‍ ചെറിയകോണം അജു ഭവനില്‍ സുധയുടെ ടെറസ് വീട്ടില്‍ ഇന്നലെ പകല്‍സമയത്തായിരുന്നു തീ പടര്‍ന്നത്. ടി.വി, ഫ്രിഡ്ജ് ഉള്‍പ്പെടെയുള്ള ഫര്‍ണിച്ചറും വീട്ടുപകരണങ്ങളും കത്തിനശിച്ചു. നാട്ടുകാര്‍ അറിയിച്ചതിനെത്തുടര്‍ന്ന് വിഴിഞ്ഞത്തു നിന്നെത്തിയ ഫയര്‍ഫോഴ്‌സ് തീ കെടുത്തി. ഇലക്ട്രിക് ഷോര്‍ട്ട് സര്‍ക്യൂട്ടാകാം കാരണമെന്നാണു നിഗമനം.