തൃശൂര്‍: ഡി.സി.സി പ്രസിഡന്റിന് അഭിവാദ്യം അര്‍പിച്ചുള്ള ഫ്‌ളക്‌സ് ബോര്‍ഡുകള്‍, പോസ്റ്ററുകള്‍, ബാനറുകള്‍  സ്ഥാപിക്കുന്നത് ഒഴിവാക്കണമെന്ന് നിയുക്ത ഡി.സി.സി പ്രസിഡന്റ് ടി.എന്‍ പ്രതാപന്‍. ജില്ലയില്‍ ഒട്ടേറെ സുഹൃത്തുക്കള്‍ഉള്ള തനിക്ക് എല്ലാവരുടേയും  സ്‌നേഹവും അടുപ്പവും അറിയാം. അതെല്ലാം ഉള്‍ക്കൊള്ളുന്നു. എവിടെയെങ്കിലും ബോര്‍ഡുകള്‍ വെച്ചിട്ടുണ്ടെങ്കില്‍ അതും പെട്ടെന്ന് മാറ്റണമെന്നും ഇത് സ്‌നേഹ പൂര്‍ണമായ ഉപദേശമായികാണണമെന്നും പ്രതാപന്‍ അഭ്യര്‍ഥിച്ചു.
പാര്‍ട്ടിയോഗങ്ങള്‍ നടക്കുമ്പോഴുള്ള സ്വാഭാവിക അനുമോദനം ഒഴിച്ചുള്ള സ്വീകരണ സമ്മേളനങ്ങളും ഒഴിവാക്കണമെന്നും പ്രതാപന്‍ അഭ്യര്‍ഥിച്ചു.