വാടാനപ്പള്ളി: ലോക മനുഷ്യാവകാശ ദിനാചരണത്തിന്റെ ഭാഗമായി തൃത്തല്ലൂര്‍ കമലാ നെഹ്‌റു മെമ്മോറിയല്‍ വി.എച്ച്.എസ് സ്‌കൂളില്‍ നാഷണല്‍ സര്‍വീസ് സ്‌കിം യൂണിറ്റിന്റെ നേതൃത്വത്തില്‍ മനുഷ്യാവകാശബോധവല്‍ക്കരണവും മനുഷ്യവകാശ പ്രതിജ്ഞയും നടത്തി. പ്രിന്‍സിപ്പാള്‍ വി.എ. ബാബു മനുഷ്യാവകാശബോധവല്‍കര സന്ദേശം നല്‍കി. എന്‍.എസ്.എസ് വളണ്ടിയര്‍ സെക്രട്ടറി മുഹമ്മദ് ഇര്‍ഷാദ് മനുഷ്യാവകാശ പ്രതിജ്ഞ ചൊല്ലി കൊടുത്തു. കെ.വി.സ്വപ്ന, അജി ജോര്‍ജ് ആലപ്പാട് എന്നിവര്‍ സംസാരിച്ചു. എന്‍.എസ്.എസ് പ്രോഗ്രാം ഓഫീസര്‍ എന്‍.കെ.സുരേഷ് കുമാര്‍, വളണ്ടിയര്‍മാരായ ജ്യോതി പി.ബി, നിമിഷ സുരേഷ് എന്നിവര്‍ നേതൃത്വം നല്‍കി.