ഇടവെട്ടി: മദ്ഹുറസൂല്‍ കൂട്ടായ്മയുടെ ആഭിമുഖ്യത്തിലുളള നബിദിന സമ്മേളനം  നാളെ ബാങ്ക് ജംഗ്ഷനിലെ സലാം നഗറില്‍ നടക്കും.
വൈകിട്ട് മൂന്നിന് നടക്കുന്ന സമ്മേളനം ചേമ്പാലശേരി ജുമാ മസ്ജിദ് ചീഫ് ഇമാം അമീന്‍ ബാഖവി ഉദ്ഘാടനം ചെയ്യും. നുസ്‌റത്തൂല്‍ ജീറാന്‍ ചാരിറ്റബിള്‍ ട്രസ്റ്റ് ചെയര്‍മാന്‍ എം.ഐ.എം ഇല്യാസ് മൗലവി അധ്യക്ഷത വഹിക്കും. ഉടുമ്പന്നൂര്‍ മുഹ്‌യുദ്ദീന്‍ മസ്ജിദ് ചീഫ് ഇമാം യഹിയ ബാഖവി പുഴക്കര മുഖ്യപ്രഭാഷണവും എ.എന്‍.എ നാസര്‍ മൗലവി ദുആയും നടത്തും. മദീന മസ്ജിദ് ഇമാം ഷാഹുല്‍ ഹമീദ് മൗലവി നബിദിന സന്ദേശം നല്‍കും.