കോട്ടയം: തെരഞ്ഞെടുപ്പില്‍ യു.ഡി.എഫിനെ 22 സീറ്റുകളില്‍ എന്‍.ഡി.എയും രണ്ടു സീറ്റുകളില്‍ തിരിച്ചും സഹായിച്ചതായി സി.എം.പി സംസ്ഥാന സെക്രട്ടറി കെ.ആര്‍ അരവിന്ദാക്ഷന്‍ ആരോപിച്ചു. കുടത്തിലുണ്ടാകുന്നതിന് പകരം കൈക്കുമ്പിളിലിലാണു ബി.ജെ.പിയുടെ താമര വിരിഞ്ഞതെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു.
കേരളത്തില്‍ വര്‍ഗീയ അജണ്ട നടപ്പാക്കാനുള്ള നീക്കമാണു യു.ഡി.എഫ് സ്വീകരിച്ചത്. എ.കെ. ആന്റണിയുടെ വാക്ക് തിരസ്‌കരിച്ച് യു.ഡി.എഫ് നേതൃത്വം മുന്നോട്ടുപോകുകയായിരുന്നു. മദ്യനയത്തോട് യു.ഡിഎ.ഫിനു യാതൊരു ആത്മാര്‍ഥതയുമില്ല. ഇടതുമുന്നണി പ്രവേശനത്തിന് സി.എം.പി കത്ത് നല്‍കിയയായും അരവിന്ദാക്ഷന്‍ പറഞ്ഞു.