ബദിയടുക്ക: മൂന്നുവര്‍ഷം മുന്‍പു നടന്ന സ്ത്രീ പീഡനക്കേസിലെ പ്രതി മംഗളൂരു വിമാനത്താവളത്തില്‍ അറസ്റ്റില്‍.  പൈക്ക ചന്ദ്രമ്പാറയിലെ അബ്ദുല്‍ റഹിമാ(38) നെയാണു ബദിയഡുക്ക പൊലിസ് അറസ്റ്റു ചെയ്തത്.
ഇയാളുള്‍പ്പെടെ ആറു പ്രതികളുണ്ടായിരുന്ന കേസില്‍ അഞ്ചുപേരെയും കോടതി വിട്ടയച്ചിരുന്നു. ഗള്‍ഫിലേക്കു കടന്ന ഇയാള്‍ക്കു വേണ്ടി പൊലിസ് ലുക്കൗട്ട് നോട്ടിസ് പുറപ്പെടുവിച്ചിരുന്നു.
കഴിഞ്ഞ ദിവസം ഗള്‍ഫില്‍ നിന്നെത്തുമെന്ന രഹസ്യ വിവരത്തെതുടര്‍ന്നാണ് പൊലിസ് വിമാനത്താവളത്തിലെത്തിയത്.