കണ്ണൂര്‍: എസ്.കെ.എസ്.എസ്.എഫ് ജില്ലാ കമ്മിറ്റി മനുഷ്യാവകാശ റാലിയും മനുഷ്യജാലിക പ്രഖ്യാപനവും 'അസ്ഥിത്വം 16' ഇന്ന് വൈകുന്നേരം നാലിന് പരഴയങ്ങാടിയില്‍ നടക്കും. പൗരാവകാശ ലംഘനങ്ങളും തെരുവു നായകള്‍ക്ക് മനഷ്യരേക്കാള്‍ പ്രാധാന്യവും നല്‍ക്കുന്ന അപകടകരമായ അവസ്ഥയും നിലനില്‍ക്കുമ്പോള്‍ മനുഷ്യാവകാശ റാലിക്ക് ഏറെ പ്രസക്തിയുണ്ടെന്നും  ബഹുജനങ്ങളെ ഉണര്‍ത്തുന്നതിന് വേണ്ടിയാണ് മനുഷ്യാവകാശ റാലി നടത്തുന്നതെന്നും നേതാക്കള്‍ പറഞ്ഞു.
പഴയങ്ങാടി റെയില്‍വേ സ്റ്റേഷന്‍ പരിസരത്തു നിന്നാരംഭിച്ച് പഴയങ്ങാടി ബസ്സ്റ്റാന്റില്‍ സമാപിക്കും. തുടര്‍ന്ന് പൊതുസമ്മേളനം നടക്കും. സയ്യിദ് ഉമര്‍ കോയ തങ്ങള്‍ ഉദ്ഘാടനം ചെയ്യും. ജാബിര്‍ ഹുദവി തൃക്കരിപ്പൂര്‍ മുഖ്യപ്രഭാഷണം നടത്തും. ബഷീര്‍ അസ്അദി നമ്പ്രം അധ്യക്ഷനാകും.