പാനൂര്‍: മുന്‍ എം.എല്‍.എ കെ.എം സൂപ്പിയുടെ സ്മരണക്കായി പാനൂര്‍ നജാത്തുല്‍ യു.പി സ്‌കൂളില്‍ മൈതാനം നിര്‍മിച്ചു.
കേരള വഖഫ് ബോര്‍ഡിന് കീഴിലാണ് വിദ്യാര്‍ഥികള്‍ക്കായി കളിമൈതാനം നിര്‍മിച്ചത്.
ഗ്രൗണ്ടണ്ടിന്റെ നാമകരണം വഖഫ് ബോര്‍ഡ് ചെയര്‍മാന്‍ പാണക്കാട് റഷീദലി ശിഹാബ് തങ്ങള്‍ നിര്‍വഹിച്ചു. വഖഫ് ബോര്‍ഡ് അംഗം അഡ്വ.പി.വി സൈനുദ്ദീന്‍ അധ്യക്ഷനായി. വഖഫ് ബോര്‍ഡ് അംഗം അഡ്വ.ഷറഫുദ്ദീന്‍, ഡിവിഷനല്‍ സിക്രട്ടറി അബ്ദുല്‍ ജബാര്‍, പാനൂര്‍ ജുമാഅത്ത് പള്ളി ഇമാം അബ്ദുല്‍ അസീസ് ദാരിമി, താജുദ്ദീന്‍ അഹ്‌സനി, പി.ടി.എ.പ്രസിഡന്റ് എം.അബ്ദുല്‍ ലത്തീഫ് ,മദര്‍ പി.ടി.എ.പ്രസി. ടി.കെ. റൈഹാനത്ത്, പ്രധാന അധ്യാപകന്‍ എം.ഭാനു സംസാരിച്ചു.