മാനന്തവാടി: ബസും ജീപ്പും കൂട്ടിയിടിച്ച് ഒരാള്‍ക്ക് പരുക്കേറ്റു. തോല്‍പ്പെട്ടി വന്യജീവി സങ്കേതത്തിലെ താല്‍ക്കാലിക ഡ്രൈവര്‍ ചെതലയം ആറാം മൈല്‍ തുണ്ടുതട്ട് പുത്തന്‍വീട് വിബിന്‍(22)നാണ് പരുക്കേറ്റത്. ഇന്നലെ രാവിലെ ഏഴോടെ കാട്ടികുളം ഇരുമ്പുപാലത്തിന് സമീപത്തായിരുന്നു അപകടം.
ബേഗൂരില്‍ നിന്നും കാട്ടികുളത്തേക്ക് വരികയായിരുന്ന വനം വകുപ്പിന്റെ ജീപ്പും കൂട്ടത്തേക്ക് പോവുകയായിരുന്ന കെ.എസ്.ആര്‍.ടി.സി ബസും തമ്മില്‍ കൂട്ടിയിടിക്കുകയായിരുന്നു. കനത്ത മഞ്ഞില്‍ പരസ്പരം കാണാന്‍ കാഴിയാത്തതാണ് അപകട കാരണം. തലക്ക് പരുക്കേറ്റ വിബിനെ ജില്ലാ ആശുപത്രിയില്‍ പ്രവേശിപ്പിച്ചു.