മലപ്പുറം: ലോകമനുഷ്യാവകാശദിനത്തോടനുബന്ധിച്ചു ഇന്ന് എസ്.കെ.എസ്.എസ്.എസ്.എഫ് ഏരിയാതലത്തില്‍ മനുഷ്യാവകാശ സംഗമങ്ങള്‍ സംഘടിപ്പിക്കും. മനുഷ്യാവകാശ ധ്വംസനങ്ങള്‍ വര്‍ധിച്ച നവസാഹചര്യത്തില്‍ അവകാശബോധവും നീതിനിര്‍വഹണവും വിലയിരുത്തപ്പെടുകയാണ് സംഗമങ്ങളുടെ ലക്ഷ്യം. പ്രവാചകര്‍ മുഹമ്മദ് നബി(സ)യുടെ മനുഷ്യാവകാശ സന്ദേശങ്ങള്‍ അടിസ്ഥാനമാക്കി ഉദ്‌ബോധനം നടക്കും. അതാത് ഏരിയയുടെ കീഴിലുള്ള വിവിധ മേഖലകളില്‍ നിന്നുള്ള പ്രവര്‍ത്തകരാണ് സംഗമിക്കുന്നത്.
ജില്ലാതല ഉദ്ഘാടനം പെരിന്തല്‍മണ്ണ ഏരിയയിലെ തിരൂര്‍ക്കാട് വൈകീട്ട് ആറിനു നടക്കും. സയ്യിദ് സാബിഖലി ശിഹാബ് തങ്ങള്‍ അധ്യക്ഷനാകും. സമസ്ത കേരളാ ജംഇയ്യത്തുല്‍ ഉലമാ ജനറല്‍ സെക്രട്ടറി കെ ആലിക്കുട്ടി മുസ്്‌ലിയാര്‍ ഉദ്ഘാടനം ചെയ്യും. സത്താര്‍ പന്തല്ലൂര്‍ മുഖ്യപ്രഭാഷണം നടത്തും. ഹാജി കെ മമ്മദ് ഫൈസി, ബശീര്‍ ദാരിമി പരിയാപുരം സംസാരിക്കും. മലപ്പുറം ഏരിയാ സംഗമം സുന്നീമഹലില്‍ നടക്കും. സയ്യിദ് നിയാസലി തങ്ങള്‍, സി.ടി.ജലീല്‍ സംസാരിക്കും. അരീക്കോട് ജോളി ഓഡിറ്റോറിയത്തില്‍ കെ.എ റഹ്മാന്‍ ഫൈസി, കെ.ടി അഷ്‌റഫ്, നിലമ്പൂര്‍ മര്‍ക്കസില്‍ ഉബൈദുല്ല ഫൈസി വാണിയമ്പലം, പെരിന്തല്‍മണ്ണ സുന്നീ മഹലില്‍ ശമീര്‍ ഫൈസി ഒടമല, തിരൂര്‍ ബസ് സ്റ്റാന്‍ഡ് പരിസരത്ത് സ്വാദിഖ് ഫൈസി താനൂര്‍, ചങ്ങരംകുളം ദാറുല്‍ ഇഹ്‌സാനില്‍ ശഹീര്‍ അന്‍വരി പുറങ്ങ്, റഫീഖ് ഫൈസി സംസാരിക്കും.