മലപ്പുറം: ഫ്രണ്ട്‌സ് കോട്ടക്കുന്നിന്റേയും പാണക്കാട് ദാറുല്‍ ഉലൂം ഹയര്‍ സെക്കന്‍ഡറി സ്‌കൂളിന്റേയും സംയുക്താഭിമുഖ്യത്തില്‍ നടന്ന മനുഷ്യാവകാശ ദിനാചരണം കോട്ടക്കുന്നില്‍ മുനിസിപ്പല്‍ വൈസ് ചെയര്‍മാന്‍  പെരുമ്പള്ളി സെയ്ത് ഉദ്ഘാടനം ചെയ്തു. വിദ്യാര്‍ഥികള്‍, രക്ഷിതാക്കള്‍, പ്രഭാത സവാരിക്കാര്‍,  അധ്യാപകര്‍ എന്നിവരോടൊപ്പം ചേര്‍ന്ന് ബിഗ്ക്യാന്‍വാസില്‍ മനുഷ്യാവകാശദിന സന്ദേശങ്ങള്‍ രേഖപ്പെടുത്തിക്കൊണ്ടാണ് ഉദ്ഘാടനം നിര്‍വഹിച്ചത്.  
വിദ്യാലയത്തിലെ നാഷണല്‍ സര്‍വിസ് സ്‌കീം, ജൂനിയര്‍ റെഡ്‌ക്രോസ്, സ്‌കൗട്ട് എന്നിവയുടെ നേതൃത്വത്തില്‍ നടന്ന മനുഷ്യാവകാശ ദിന സന്ദേശറാലി വാര്‍ഡ് കൗണ്‍സിലര്‍ സലീന റസാഖ് ഉദ്ഘാടനം ചെയ്തു. കോട്ടക്കുന്നില്‍ എത്തുന്ന പ്രഭാത സവാരിക്കാര്‍ക്കായി ഫ്രണ്ട്‌സ് കോട്ടക്കുന്ന് സമര്‍പ്പിക്കുന്ന സൗജന്യ കുടിവെള്ള പദ്ധതി മുനിസിപ്പല്‍ കൗണ്‍സിലര്‍ പാര്‍വതിക്കുട്ടി ടീച്ചര്‍ ഉദ്ഘാടനം ചെയ്തു. സെക്രട്ടറി ബിജുമാത്യു, എ.എം അബ്ദുല്‍ നാസര്‍,  ഡി.ടി.പി.സി മാനേജര്‍ അന്‍വര്‍, ടി.പി മായിന്‍കുട്ടി, എം.എച്ച് ഷാജഹാന്‍, അധ്യാപകരായ നുഹ്മാന്‍ ശിബിലി ചോലയ്ക്കല്‍, പോള്‍ കെ.ജെ, റാസിബ് പി.കെ, മുഹമ്മദ് ഷാഫി സം
സാരിച്ചു.