തിരൂരങ്ങാടി:  എ.ആര്‍ നഗര്‍ പഞ്ചായത്തില്‍ തെരുവുനായ്ക്കളുടെ സൈ്വര വിഹാരം. കഴിഞ്ഞദിവസം എട്ടു പേരെ തെരുവ്‌നായ കടിച്ചുപരുക്കേല്‍പ്പിച്ചിരുന്നു.
ഭീതിമൂലം ആളുകള്‍ പുറത്തിറങ്ങാന്‍ മടിക്കുകയാണ്. സ്‌കൂള്‍വിദ്യാര്‍ഥികള്‍, ആരധനാലയങ്ങളില്‍ പോകുന്നവര്‍ തുടങ്ങിയവരടക്കം തെരുവുനായ്ക്കളുടെ ഭീഷണി നേരിടുന്നുണ്ട്. ഏതാനും മാസംമുന്‍പ് പഞ്ചായത്തിലെ വിവിധയിടങ്ങളിലായി ഇരുപതോളം പേരെ തെരുവ്‌നായ്ക്കള്‍ ആക്രമിച്ചിരുന്നു. തെരുവുനായ്ക്കളുടെ നിയന്ത്രണത്തിനുവേണ്ട നടപടികള്‍ കൈക്കൊള്ളണമെന്നും അല്ലാത്ത പക്ഷം ശക്തമായ പ്രക്ഷോഭ പരിപാടികള്‍ സംഘടിപ്പിക്കുമെന്നും ഐ.എന്‍.എല്‍ എ.ആര്‍ നഗര്‍ പഞ്ചായത്ത് കമ്മിറ്റി മുന്നറിയിപ്പു നല്‍കി.