മുംബൈ: ബി.സി.സി.ഐ പ്രസിഡന്റ് സ്ഥാനത്തേക്ക് അനുരാഗ് ഠാക്കൂറിനെ തെരഞ്ഞെടുത്തു. ശശാങ്ക് മനോഹര്‍ മനോഹര്‍ രാജിവച്ച ഒഴിവിലേക്കു നടത്തിയ തെരഞ്ഞെടുപ്പിലാണ് പുതിയ പ്രസിഡന്റായി ഠാക്കൂര്‍ വന്നത്. നിലവില്‍ ബി.സി.സി.ഐയുടെ ജനറല്‍ സെക്രട്ടറിയാണ് ഇദ്ദേഹം.

മുംബൈയില്‍ ചേര്‍ന്ന പ്രത്യേക ജനറല്‍ യോഗത്തിലാണ് പ്രസിഡന്റിനെ തെരഞ്ഞെടുത്തത്. ഈസ്റ്റ് സോണിന്റെ പിന്തുണയാണ് ഠാക്കൂറിനെ അധ്യക്ഷ പദവിയിലെത്തിച്ചത്. ബി.സി.സി.ഐയുടെ പ്രസിഡന്റാവുന്ന ഏറ്റവും പ്രായം കുറഞ്ഞ വ്യക്തിയാണ് 41 കാരനായ ഠാക്കൂര്‍.