കോഴിക്കോട്: കാംപസുകളും പരിസരങ്ങളും കേന്ദ്രീകരിച്ചു നടക്കുന്ന ലഹരി വില്‍പ്പനയും ഉപയോഗവും തടയുന്നതിനായി ജനകീയ പ്രതിരോധം തീര്‍ക്കാന്‍ മത-രാഷ്ട്രീയ-സാംസ്‌കാരിക സംഘടനകള്‍ തയാറാകണമെന്ന് എസ്.കെ.എസ്.എസ്.എഫ് ജില്ലാ കാംപസ് വിങ് കുറ്റിക്കാട്ടൂര്‍ മുസ്‌ലിം യതീംഖാനയിലെ ശംസുല്‍ ഹുദാ ഇസ്‌ലാമിക് അക്കാദമിയില്‍ സംഘടിപ്പിച്ച കാംപസ് കോള്‍ നേതൃത്വ പഠന ശില്‍പശാല അഭിപ്രായപ്പെട്ടു.
സമസ്ത കേന്ദ്ര മുശാവറ അംഗം കെ.പി ഹംസ മുസ്‌ലിയാര്‍ ഉദ്ഘാടനം ചെയ്തു. എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് മുബശ്ശിര്‍ തങ്ങള്‍ ജമലുല്ലൈലി അധ്യക്ഷനായി. ഒ.പി അഷ്‌റഫ് മുഖ്യപ്രഭാഷണം നടത്തി. സുബൈര്‍ മാസ്റ്റര്‍ കുറ്റിക്കാട്ടൂര്‍, എ.ടി ബഷീര്‍ ഹാജി, ഇ.എം കോയ ഹാജി, റഹീം ആനക്കുഴിക്കര സംസാരിച്ചു. സിറാജ് ഇരിങ്ങല്ലൂര്‍ സ്വാഗതവും ജസീം മാവൂര്‍ നന്ദിയും പറഞ്ഞു.