കുറ്റ്യാടി: ചേരാപുരം ഗവ.എല്‍.പി സ്‌കൂള്‍ നവീന പഠന സൗകര്യത്തോടെ സ്മാര്‍ട്ട് വിദ്യാലയമാകുന്നു.ഭൗതിക, അക്കാദമിക മേഖലകളില്‍ വിവിധങ്ങളായ പദ്ധതികള്‍ക്ക് രൂപം നല്‍കി. വാര്‍ഡ് മെമ്പര്‍ ബഷീര്‍ മാണിക്കോത്തിന്റെ നേതൃത്വത്തിലാണ് പദ്ധതികള്‍ രൂപപ്പെടുത്തിയിട്ടുള്ളത്. ഇതിന്റെ മുന്നൊരുക്കത്തിനായി നടന്ന ശില്‍പശാല പാറക്കല്‍ അബ്ദുല്ല എം.എല്‍.എ ഉദ്ഘാടനം ചെയ്തു.
 പഞ്ചായത്ത് പ്രസിഡന്റ് വി.കെ അബ്ദുള്ള അധ്യക്ഷനായി. ബഷീര്‍ മാണിക്കോത്ത്, എം.എ കുഞ്ഞബ്ദുല്ല മാസ്റ്റര്‍, ഇ.കെ നാണു, സോമനാഥന്‍, എന്‍.കെ ദിവാകരന്‍, പി.രാധാകൃഷ്ണന്‍, എ.കെ അശോകന്‍ സംസാരിച്ചു. പ്രധാനാധ്യാപിക കെ.സുജാത റിപ്പോര്‍ട്ട് അവതരിപ്പിച്ചു. എ.ഇ.ഒ സജീവന്‍ അവാര്‍ഡ് വിതരണം ചെയ്തു.