ഇസ്താംബൂള്‍: തുര്‍ക്കിയിലെ ഇസ്താംബൂളിലുണ്ടായ ഇരട്ട കാര്‍ ബോംബ് സ്‌ഫോടനത്തില്‍ 15 പേര്‍ കൊല്ലപ്പെട്ടു. 38 പേര്‍ക്കു പരുക്കേറ്റിട്ടുണ്ട്. ബെസിക്ടാസ് ഫുട്‌ബോള്‍ സ്റ്റേഡിയത്തിനു പുറത്തായിരുന്നു ആദ്യ സ്‌ഫോടനം. ടക്‌സിം സ്‌ക്വയറിലായിരുന്നു രണ്ടാമത്തെ സ്‌ഫോടനമുണ്ടായത്. സംഭവം ഭീകരാക്രമണമാണെന്ന് തുര്‍ക്കി പ്രസിഡന്റ് റജബ് ത്വയ്യിബ് ഉര്‍ദുഗാന്‍ അറിയിച്ചു. തുര്‍ക്കിയിലെ പ്രമുഖ ഫുട്‌ബോള്‍ ടീമുകളായ ബെസിക്ടാസും ബര്‍സാസ്പൂരും തമ്മിലുള്ള മത്സരം കഴിഞ്ഞതിനു പിന്നാലെയാണ് സ്റ്റേഡിയത്തുനു പുറത്ത് സ്‌ഫോടനമുണ്ടായത്. സ്‌ഫോടനത്തെ തുടര്‍ന്ന് രാജ്യത്ത് ജാഗ്രതാ നിര്‍ദേശം നല്‍കി.