കോഴിക്കോട്: സഹജീവികളോടും സ്വരാജ്യത്തോടുമുള്ള സ്‌നേഹവും പരസ്പര സൗഹൃദവും സഹിഷ്ണുതയും ശക്തിപ്പെടുത്താനുള്ള അവസരമായി നബിദിന പരിപാടികളെ ഉപയോഗപ്പെടുത്തണമെന്ന് എസ്.കെ.എസ്.എസ്.എഫ് സംസ്ഥാന പ്രസിഡന്റ്് സയ്യിദ് ഹമീദലി ശിഹാബ് തങ്ങള്‍.
എസ്.കെ.എസ്.എസ്.എഫ് സര്‍ഗലയ സംസ്ഥാന സമിതി പുറത്തിറക്കിയ മൂന്ന് പുസ്തകങ്ങളുടെ പ്രകാശനം നിര്‍വഹിക്കുകയായിരുന്നു അദ്ദേഹം.
ചടങ്ങില്‍ ഓണംപിള്ളി മുഹമ്മദ് ഫൈസി അധ്യക്ഷനായി. സത്താര്‍ പന്തലൂര്‍, റശീദ് ഫൈസി വെള്ളായിക്കോട്, പ്രൊഫ. മജീദ് മാസ്റ്റര്‍ കൊടക്കാട്,ഡോ.ബശീര്‍ ഫൈസി ദേശമംഗലം, വി.കെ.എച്ച് റശീദ് മാസ്റ്റര്‍, അഹ്മദ് ഫൈസി കക്കാട്, ആശിഖ് കുഴിപ്പുറം, അബ്ദുല്‍ ഗഫൂര്‍ അന്‍വരി സംബന്ധിച്ചു.