ലാഗോസ്: ദക്ഷിണ നൈജീരിയയില്‍ ക്രിസ്ത്യന്‍ പള്ളിയുടെ മേല്‍ക്കൂര തകര്‍ന്നു വീണ് 60 പേര്‍ മരിച്ചു. 100ലധികം പേര്‍ക്ക് പരുക്കുണ്ട്. യുയോയിലെ റീജണേഴ്‌സ് ബൈബിള്‍ ചര്‍ച്ചാണ് തകര്‍ന്നു വീണത്. നിര്‍മാണത്തിലിരിക്കുന്ന മേല്‍ക്കൂര പൊടുന്നനെ തകര്‍ന്നു വീഴുകയായിരുന്നു. സംഭവ സമയത്ത് പള്ളിയില്‍ ആരാധന നടന്നു കൊണ്ടിരുക്കുകയായിരുന്നു. അതിനാല്‍ മരണ നിരക്കും വര്‍ദ്ധിച്ചു. അപകട സമയത്ത് സ്റ്റേറ്റ് ഗവര്‍ണര്‍ അടക്കം പള്ളിയിലുണ്ടായിരുന്നു.