കൊച്ചി: കേരളത്തിന്റെ അഭിമാന പദ്ധതിയായ കൊച്ചി മെട്രോയുടെ അവലോകനയോഗം ഇന്ന് ചേരും. മെട്രോയുടെ ആലുവ മുതല്‍ പേട്ട വരെയുള്ള ആദ്യഘട്ടത്തിന്റെ ക്രമീകരണങ്ങള്‍ സംബന്ധിച്ചും യോഗത്തില്‍ വിലയിരുന്നു. മുഖ്യമന്ത്രി പിണറായി വിജയന്‍ യോഗത്തില്‍ പങ്കെടുക്കും.

അടുത്ത വര്‍ഷം ഏപ്രിലില്‍ ട്രാക്കിലിറങ്ങുമെന്ന് പ്രതീക്ഷിക്കുന്ന മെട്രോയുടെ നിര്‍മാണം മന്ദഗതിയിലാണെന്ന പരാതികളുടെ പശ്ചാത്തലത്തിലാണ് നിര്‍ണായകയോഗം ചേരുന്നത്. ഇന്‍ഫോടെക് മുതല്‍ കാക്കനാട്ടേക്ക് മെട്രോയുടെ പാത നീട്ടുന്നതിനെ കുറിച്ചും യോഗത്തില്‍ ചര്‍ച്ച ചെയ്യും. കൂടാതെ കുടുംബശ്രീയെ മെട്രോയുടെ ഭാഗമാക്കുന്നതിനെ സംബന്ധിച്ചും ചര്‍ച്ച ചെയ്യും.

ഇന്ന് ഉച്ചയ്ക്ക് 12ന് കൊച്ചിയിലെ മെട്രോ റെയില്‍ ലിമിറ്റഡ് ഓഫിസിലാണ് യോഗം.