ന്യൂഡല്‍ഹി:ഉത്തര്‍പ്രദേശില്‍ അധികാരത്തില്‍ വന്നാല്‍ സംസ്ഥാനത്തെ ഗുണ്ടാ രാജ് അവസാനിപ്പിക്കുമെന്ന് പ്രധാനമന്ത്രി നരേന്ദ്രമോദി.  ഉത്തര്‍പ്രദേശിലെ ബെറൂച്ചയില്‍ ബി.ജെ.പി സംഘടിപ്പിച്ച പരിവര്‍ത്തന്‍ റാലിയുടെ ഭാഗമായി വീഡിയോ കോണ്‍ഫറന്‍സിങ്ങിലൂടെ സംസാരിക്കുകയായിരുന്നു അദ്ദേഹം.
റാലിക്കായി അദ്ദേഹം ബെറൂച്ചയില്‍ എത്തുമെന്നായിരുന്നു അറിയിച്ചിരുന്നതെങ്കിലും കനത്ത മൂടല്‍മഞ്ഞു കാരണം അദ്ദേഹം സഞ്ചരിച്ച ഹെലികോപ്റ്ററിന് ഇവിടെ ഇറങ്ങാനായില്ല. തുടര്‍ന്നാണ് വീഡിയോ കോണ്‍ഫറന്‍സിങ്ങിലൂടെ ജനങ്ങളെ അഭിസംബോധന ചെയ്ത് സംസാരിച്ചത്.