ന്യൂഡല്‍ഹി: രാഷ്ട്രപതി പ്രണബ് മുഖര്‍ജി 81ാം പിറന്നാള്‍ ആഘോഷിച്ചു.
പ്രധാനമന്ത്രി നരേന്ദ്ര മോദി അടക്കം രാഷ്ട്രീയ രംഗത്തെ നിരവധി പേര്‍ രാഷ്ട്രപതിക്ക് ആശംസകള്‍ അറിയിച്ചു. എല്ലാത്തിനും മുകളില്‍ രാജ്യതാല്‍പര്യത്തെ പ്രതിഷ്ഠിക്കാന്‍ പ്രണബിന് സാധിച്ചെന്ന് മോദി ആശംസയില്‍ വ്യക്തമാക്കി. കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയും രാഷ്ട്രപതിക്ക് ആശംസകള്‍ നേര്‍ന്നു.
പിറന്നാള്‍ ദിനത്തില്‍ നൊബേല്‍ ജേതാവ് കൈലാഷ് സത്യാര്‍ഥിയുടെ 100 മില്യണ്‍ ഫോര്‍ 100 മില്യണ്‍ കാംപയിനില്‍ രാഷ്ട്രപതി പങ്കെടുത്തു. ബാലവേല, കുട്ടികള്‍ക്കെതിരേയുള്ള അതിക്രമം എന്നിവ തടയല്‍ ലക്ഷ്യമിട്ടുള്ളതാണ് ഈ കാംപയിന്‍.