പുത്തന്‍ചിറ: പഞ്ചായത്ത് ഭരണസമിതിയുടെ ഒന്നാം വാര്‍ഷിക ഉദ്ഘാടനവും നവകേരള മിഷന്‍ പഞ്ചായത്ത്തല പ്രഖ്യാപനവും അഡ്വ.വി.ആര്‍ സുനില്‍കുമാര്‍ എം.എല്‍.എ നിര്‍വഹിച്ചു. പുത്തന്‍ചിറ പഞ്ചായത്ത് കമ്മ്യൂണിറ്റി ഹാളില്‍ നടന്ന പരിപാടിയില്‍ പ്രസിഡന്റ് കെ.വി സുജിത്‌ലാല്‍ അധ്യക്ഷനായി.
വെള്ളാങ്കല്ലൂര്‍ ബ്ലോക്ക് പഞ്ചായത്ത് പ്രസിഡന്റ് ഷാജിന്‍ നക്കര മുഖ്യാതിഥിയായി.
അന്തരിച്ച വാര്‍ഡ് മെമ്പര്‍ മോഹനനെ സംഘാടകസമിതി കണ്‍വീനര്‍ പി.ഐ നിസാര്‍ അനുസ്മരിച്ചു.
ഇ പേയ്‌മെന്റ് സംവിധാനം ജില്ലാ പഞ്ചായത്ത് അംഗം കാതറിന്‍ പോള്‍ ഉദ്ഘാടനം ചെയ്തു. ബീന സുധാകരന്‍, സി.എം പ്രേമാനന്ദ്, ടി.കെ ഉണ്ണികൃഷ്ണന്‍, റോമി ബേബി, മന്‍സൂര്‍ അലി സംസാരിച്ചു.