കല്‍പ്പറ്റ: വിത്തുകള്‍ സംരക്ഷിക്കുന്ന കര്‍ഷകര്‍ക്ക് ദേശീയ തലത്തില്‍ കേന്ദ്രകൃഷി മന്ത്രാലയം നല്‍കുന്ന ഈ വര്‍ഷത്തെ ജിനോം സേവിയര്‍ ഫാര്‍മര്‍ ദേശീയപുരസ്‌കാരം മാനന്തവാാടി ഇല്ലത്തുവയല്‍ സ്വദേശി എന്‍.എം. ഷാജിയ്ക്ക്. 21ന് ഡല്‍ഹിയില്‍ നടക്കുന്ന ചടങ്ങില്‍ കേന്ദ്ര കൃഷി മന്ത്രി രാധമോഹന്‍സിങ് അവാര്‍ഡ് നല്‍കും. അപൂര്‍വ ഇനങ്ങളായ 100 ല്‍ പരം കിഴങ്ങ് വര്‍ഗങ്ങള്‍ സംരക്ഷിച്ചതിനും അടുത്ത തലമുറയ്ക്ക് സൂക്ഷിച്ച് വച്ചതിനും ആണ് ഷാജി അവാര്‍ഡിന് അര്‍ഹനായത്. കാര്‍ഷിക സര്‍വകലാശാലയില്‍ നിന്നും ഡോ. എല്‍സിയുടെ നേതൃത്വത്തില്‍ പഠനം നടത്തിയ സംഘം കേന്ദ്ര കൃഷിമന്ത്രാലയത്തിന് നല്‍കിയ റിപ്പോര്‍ട്ടിന്റെ അടിസ്ഥാനത്തിലാണ് ഷാജിയെ അവാര്‍ഡിന് തിരഞ്ഞെടുത്തത്.