നടവയല്‍: സംസ്ഥാന സ്‌കൂള്‍ ഐടി മേളയില്‍ സെന്റ് തോമസ് ഹൈസ്‌കൂളിലെ  പത്താം ക്ലാസ് വിദ്യാര്‍ഥിനി തേജസ് തോമസിന് മലയാളം ടൈപ്പിങ്ങില്‍ രണ്ടാം സ്ഥാനവും എ ഗ്രേഡും ലഭിച്ചു. അഞ്ച് വര്‍ഷമായി മലയാളം ടൈപ്പിങ് ജില്ലാതല മത്സരത്തില്‍ തുടര്‍ച്ചയായി ഒന്നാം സ്ഥാനം തേജസിനാണ്.  വിദ്യാര്‍ഥിനിയെ സ്‌കൂള്‍ മാനേജ്‌മെന്റും പി.ടി.എയും അഭിനന്ദിച്ചു. മാനേജര്‍ ഫാ. ഷാജി മുളകുടിയാങ്കല്‍, പിടിഎ പ്രസിഡന്റ് ഗലീലിയോ, ഹെഡ്മാസ്റ്റര്‍ എന്‍.യു. ടോമി സംസാരിച്ചു. നടവയല്‍ പള്ളത്ത് തോമസ്-ജോളി ദമ്പതികളുടെ രണ്ടാമത്തെ മകളാണ് തേജസ്.