കോഴിക്കോട്: കോഴിക്കോട് ഹോമിയോ കോളജ് സ്ഥാപക പ്രിന്‍സിപ്പല്‍ ഡോ. കെ.എസ് പ്രകാശത്തിന്റെ 24ാം അനുസ്മരണ വാര്‍ഷികം സംഘടിപ്പിച്ചു.
ഹോട്ടല്‍ അളകാപുരിയില്‍ നടന്ന ചടങ്ങ് മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്തു. ജീവിതത്തില്‍ ചെയ്ത കര്‍മ്മങ്ങളാണ് ഡോ. പ്രകാശത്തെ ഇന്നും അനുസ്മരിക്കപ്പെടുന്നതെന്നും മാനവരാശിയുടെ ആരോഗ്യത്തിനായി ജീവിതം മാറ്റി വച്ചയാളാണ് അദ്ദേഹമെന്നും മേയര്‍ പറഞ്ഞു. ഈ വര്‍ഷം എ.എന്‍.എസ്.എസില്‍ ഒന്നാം റാങ്ക് കരസ്ഥമാക്കിയ ഡോ. അനിഷാ കുര്യനെ ഡോ. കെ.എസ്. പ്രകാശം സ്മാരക ഗോള്‍ഡ് മെഡല്‍ നല്‍കി ചടങ്ങില്‍ അനുമോദിച്ചു.
അലോപതി, ഹോമിയോപതി, ആയുര്‍വേദ, പ്രകൃതി ചികിത്സ, യോഗ എന്നീ ചികിത്സാരീതിയില്‍ മഞ്ഞപ്പിത്തത്തെ എങ്ങനെ പ്രതിരോധിക്കാം എന്ന വിഷയത്തില്‍ ചര്‍ച്ച നടത്തി. പ്രൊഫ. ശോഭീന്ദ്രന്‍ മാഷ് അധ്യക്ഷനായി.
മുന്‍ ഡെപ്യൂട്ടി കമ്മിഷനര്‍ മുഹമ്മദ് അഷ്‌റഫ്, ഡോ. പി.എസ് കേദാര്‍നാഥ്, ഡോ. ദീപ്തിറാണി, ഡോ. സി.ജെ തിലക്, ഡോ. യമുന രമേഷ്, സി.ജി ജോര്‍ജ്ജ്, അബ്ദുറഹ്മാന്‍ പ്രസംഗിച്ചു.