കോഴിക്കോട്: അറിയാത്ത പ്രണയാനുഭവവും അറിയുന്ന ആത്മാനുഭവവുമാണ് കവിതകളെന്നു കവിയും ഗാനരചയിതാവുമായ കൈതപ്രം ദാമോദരന്‍ നമ്പൂതിരി. ലിപി പബ്ലിക്കേഷന്‍ പ്രസിദ്ധീകരിച്ച തിരുവണ്ണൂര്‍ രാജശ്രീയുടെ 'പ്രണയസ്മൃതികള്‍' പുസ്തകം അളകാപുരിയില്‍ നടന്ന ചടങ്ങില്‍ ഡോ. എം.കെ മുനീര്‍ എം.എല്‍.എയില്‍ നിന്നു ഏറ്റുവാങ്ങി സംസാരിക്കുകയായിരുന്നു അദ്ദേഹം. ഡോ. കെ.എന്‍ വേണുഗോപാല്‍ അധ്യക്ഷനായി. ഗാനരചയിതാവ് ജയദേവന്‍ പുസ്തക പരിചയം നടത്തി. സംഗീത സംവിധായകന്‍ കൈതപ്രം വിശ്വനാഥന്‍ നമ്പൂതിരി, എം. ഗോകുല്‍ദാസ്, ആയിഷബി പാണ്ടികശാല, എസ്.കെ സജീഷ്, സി.പി പത്മചന്ദ്രന്‍, എ. രാജീവ്, സുധീര്‍ കളരിക്കല്‍ സംസാരിച്ചു.