കൊല്‍ക്കത്ത: നടിയും ബി.ജെ.പി നേതാവുമായ രൂപാ ഗാംഗുലിയുടെ വാഹനവ്യൂഹം തൃണമൂല്‍ കോണ്‍ഗ്രസ് പ്രവര്‍ത്തകര്‍ ആക്രമിച്ചു. ഡയമണ്ട് ഹാര്‍ബറിനു സമീപം നടന്ന ആക്രമണത്തില്‍ അവര്‍ക്ക് പരിക്കേറ്റിട്ടുള്ളതായി റിപ്പോര്‍ട്ടുകള്‍ പറയുന്നു.

കാക്ദ്വിപില്‍ പാര്‍ട്ടി പ്രവര്‍ത്തകരെ സന്ദര്‍ശിച്ച ശേഷം മടങ്ങുകയായിരുന്ന രൂപാ ഗാംഗുലിയേയും സംഘത്തേയും തൃണമൂല്‍ പ്രവര്‍ത്തകര്‍ തടഞ്ഞുനിര്‍ത്തി ആക്രമിക്കുകയായിരുന്നെന്ന് ഉയര്‍ന്ന പൊലിസ് ഉദ്യോഗസ്ഥന്‍ അറിയിച്ചതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. നിസാരപരിക്കുകളുള്ള രൂപാ ഗാംഗുലിയെ സമീപത്ത് ആശുപത്രിയില്‍ പ്രവേശിപ്പിച്ച് പരിശോധന നടത്തിയശേഷം വിട്ടയച്ചു.