കോഴിക്കോട്: എന്‍ജിനീയറിങ് വിദ്യാര്‍ഥി എറണാകുളത്ത് ബൈക്കപകടത്തില്‍ മരിച്ചു. എറണാകുളം ആലുവ കെ.എംഇ.എ എന്‍ജിനീയറിങ് കോളജ് വിദ്യാര്‍ഥിയായ മാങ്കാവ് സി ഇ ഹൗസില്‍ ആദില്‍ സഫര്‍ (20) ആണ് മരിച്ചത്. ചെറിയ ഇരുമാനംവീട് മുഹമ്മദ് റാസി (ദമാം)-അറബിന്റകം നസീമ ദമ്പതികളുടെ മകനാണ്.

ശനിയാഴ്ച രാത്രി 11ഓടെ ആലുവ കോളജിനു സമീപം ആദില്‍ സഫര്‍ സഞ്ചരിച്ച ബൈക്കില്‍ മറ്റൊരു ബൈക്കിടിക്കുകയായിരുന്നു.
മൃതദേഹം എറണാകുളം ഗവ. ജനറല്‍ ആശുപത്രിയില്‍ പോസ്റ്റ്‌മോര്‍ട്ടം ചെയ്ത ശേഷം ഇന്നലെ വൈകീട്ട് അഞ്ചോടെ മാങ്കാവിലെ വീട്ടിലെത്തിച്ചു.
മയ്യിത്ത് നമസ്‌കാരം ഇന്ന് രാവിലെ 9.30ന് പരപ്പില്‍ ശാദുലി പള്ളിയില്‍. സഹോദരങ്ങള്‍: ഫാത്തിമ നജ്‌ല, നെബ്ഹാല്‍, മാസിന്‍, മിസ്ഹബ്.