ന്യൂഡല്‍ഹി: റദ്ദാക്കിയ 500, 1,000 രൂപ നോട്ടുകളില്‍ 90 ശതമാനവും ബാങ്കുകളിലെത്തിയതായി റിസര്‍വ് ബാങ്ക് ഡെപ്യൂട്ടി ഗവര്‍ണര്‍ ആര്‍. ഗാന്ധി. 12.44 ലക്ഷം കോടി രൂപയാണ് ഇതുവരെയെത്തിയത്. ഇനി 1.66 ലക്ഷം കോടി മാത്രമാണ് തിരിച്ചെത്താനുള്ളത്.
നോട്ടുകള്‍ പിന്‍വലിക്കുന്നതിന് മുന്‍പ് 14 ലക്ഷം കോടിയുടെ 500, 1,000 രൂപ നോട്ടുകളാണ് ഉണ്ടായിരുന്നത്. നോട്ടുകള്‍ പിന്‍വലിച്ച നവംബര്‍ എട്ട് മുതല്‍ ഡിസംബര്‍ 10 വരെയുള്ള കാലയളവിലെ കണക്കാണിത്. ഈ മാസം 31 വരെയാണ് പഴയ 500, 1,000 രൂപയുടെ നോട്ടുകള്‍ ബാങ്കുകളില്‍ നിക്ഷേപിക്കാന്‍ കഴിയുക.