മുംബൈ: നാലാം ടെസ്റ്റില്‍ ഇന്നിങ്‌സിനും 36 റണ്‍സിനും വിജയിച്ച് ഇംഗ്ലണ്ടിനെതിരായ ടെസ്റ്റ് പരമ്പര ഇന്ത്യ 3-0ത്തിനു സ്വന്തമാക്കി. ആദ്യ ടെസ്റ്റ് സമനിലയില്‍ അവസാനിച്ചപ്പോള്‍ രണ്ടും മൂന്നും നാലും ടെസ്റ്റുകള്‍ വിജയിച്ചാണ് പരമ്പര ഇന്ത്യ പോക്കറ്റിലാക്കിയത്. അവസാന ടെസ്റ്റ് ഈ മാസം 16 മുതല്‍ 20 വരെ ചെന്നൈയില്‍ അരങ്ങേറും.
സ്‌കോര്‍: ഇംഗ്ലണ്ടണ്ട് ഒന്നാം ഇന്നിങ്‌സ് 400. ഇന്ത്യ ഒന്നാം ഇന്നിങ്‌സ് 631. ഇംഗ്ലണ്ടണ്ട് രണ്ടണ്ടാം ഇന്നിങ്‌സ് 195.
ആറു വിക്കറ്റ് നഷ്ടത്തില്‍ 182 റണ്‍സെന്ന ദയനീയ സ്ഥിതിയിലായിരുന്നു നാലാം ദിനം അവസാനിക്കുമ്പോള്‍ ഇംഗ്ലണ്ട്. അവസാന ദിനത്തില്‍ വിജയം നാലു വിക്കറ്റ് മാത്രം അകലെയായിരുന്ന ഇന്ത്യ ചടങ്ങു തീര്‍ക്കുന്ന ലാഘവത്തില്‍ കാര്യങ്ങള്‍ അവസാനിപ്പിച്ചു. ആദ്യ ഇടവേളയ്ക്ക് മുന്‍പേ തന്നെ ഇംഗ്ലീഷ് ചെറുത്തുനില്‍പ്പ് 195 റണ്‍സില്‍ അവസാനിപ്പിച്ചാണ് ഇന്ത്യ വിജയം പിടിച്ചത്. അവസാന ദിനം 13 റണ്‍സ് മാത്രമാണ് ഇംഗ്ലണ്ടണ്ടിനു നേടാന്‍ കഴിഞ്ഞത്.
ആദ്യ ഇന്നിങ്‌സില്‍ ആറു വിക്കറ്റ് വീഴ്ത്തിയ സ്പിന്നര്‍ അശ്വിന്‍ രണ്ടാമിന്നിങ്‌സിലും ആറു ഇംഗ്ലീഷ് വിക്കറ്റുകള്‍ പിഴുത് മൊത്തം 12 വിക്കറ്റുകള്‍ നേടി കരുത്തുകാട്ടി.
231 റണ്‍സ് ലീഡ് വഴങ്ങിയാണ് ഇംഗ്ലണ്ട് രണ്ടാമിന്നിങ്‌സ് ബാറ്റിങ് തുടങ്ങിയത്. ജോ റൂട്ട് (77), ജോണി ബെയിര്‍‌സ്റ്റോ (51) എന്നിവര്‍ മാത്രമാണ് സന്ദര്‍ശക നിരയില്‍ പൊരുതാനുള്ള ആര്‍ജവം കാട്ടിയത്. ഇരട്ട സെഞ്ച്വറി നേടി ഇന്ത്യയെ കൂറ്റന്‍ സ്‌കോറിലേക്ക് നയിച്ച വിരാട് കോഹ്‌ലിയാണ് മാന്‍ ഓഫ് ദി മാച്ച്.