കോഴിക്കോട്: സിയസ്‌കൊ ഡയമണ്ട് ജൂബിലി ആഘോഷങ്ങളുടെ സമാപനം മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്തു. ഡിജിറ്റല്‍ ലൈബ്രറിയുടെ ഉദ്ഘാടനം ഡോ. എം.കെ മുനീര്‍ എം.എല്‍.എ നിര്‍വഹിച്ചു. സി.പി കുഞ്ഞുമുഹമ്മദ് അധ്യക്ഷനായി.
ചടങ്ങിനോടനുബന്ധിച്ച് 'അഭയം' ഭവനപദ്ധതിയുടെ താക്കോല്‍ ദാനം മലബാര്‍ ഗോള്‍ഡ് ചെയര്‍മാന്‍ എം.പി അഹമ്മദ് നിര്‍വഹിച്ചു. എം.ഇ.എസ് പ്രസിഡന്റ് ഡോ. പി.കെ ഫസല്‍ ഗഫൂര്‍ സിയസ്‌കൊ ന്യൂസ് പ്രകാശനം ചെയ്തു. എന്‍ജി. പി. മമ്മദ് കോയ, പി.വി അബ്ദുല്ലക്കോയ, എം.കെ അബ്ദുറഹിമാന്‍, സി.ഇ.വി അബ്ദുല്‍ ഗഫൂര്‍, എന്‍. സുബ്രഹ്മണ്യം, കെ.എം മുഹമ്മദ് അഷ്‌റഫ്, പി.ടി മുഹമ്മദ് അലി, കോര്‍പറേഷന്‍ കൗണ്‍സിലര്‍മാരായ ശ്രീകല, സി. അബ്ദുറഹിമാന്‍, അഡ്വ. പി.എം നിയാസ്, വി. സുരേഷ് ബാബു, കെ. മൊയ്തീന്‍കോയ, സി.പി മുസഫര്‍ അഹമ്മദ്, സി.പി ഹമീദ്, ഇ.വി ഫിറോസ് സംസാരിച്ചു.