മേപ്പയ്യൂര്‍: യാത്രക്കാരിയെ പോക്കറ്റടിച്ച തമിഴ് നാടോടി സഹോദരിമാര്‍ അറസ്റ്റില്‍. തിങ്കളാഴ്ച രാവിലെയാണ് സംഭവം. വടകര-പേരാമ്പ്ര റൂട്ടില്‍ ഓടുന്ന ലക്ഷ്മി ബസിലെ യാത്രക്കാരി തോലേരി നടേമ്മല്‍ മീത്തല്‍ സൗദയുടെ പണമടങ്ങിയ പഴ്‌സാണ് പോക്കറ്റടിച്ചത്. മേപ്പയ്യൂര്‍ ബസ് സ്റ്റാന്‍ഡില്‍ ഇറങ്ങിയോടിയ മോഷ്ടാക്കളെ യുവതിയുടെ ബഹളംകേട്ടെത്തിയ ഓട്ടോ ഡ്രൈവര്‍മാരും ചുമട്ടുതൊഴിലാളികളും ചേര്‍ന്നു നെല്ല്യാടി റോഡില്‍ നിന്നു പിടികൂടി.
പഴനി കോവില്‍ തെരുവിലെ പഞ്ചമ (30), സഹോദരി മുരിയേശ്വരി (27) എന്നിവരെയാണ് പിടികൂടിയത്. ഇവരില്‍നിന്നു പഴ്‌സ് പൊലിസ് കണ്ടെടുത്തു. കൊയിലാണ്ടി കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു. അഡിഷനല്‍ എസ്.ഐ കെ. രവീന്ദ്രന്‍, സിവില്‍ പൊലിസ് ഓഫിസര്‍മാരായ റീന, ജില എന്നിവര്‍ ചേര്‍ന്നാണ് പ്രതികളെ അറസ്റ്റു ചെയ്തത്.