പൊന്നാനി: നോട്ട് നിരോധനത്തോടെ നിര്‍മാണമേഖല പൂര്‍ണമായി സ്തംഭിക്കുകയും തൊഴില്‍ നഷ്ടപ്പെടുകയും ചെയ്തതോടെ ബംഗാളികള്‍ ഫുട്‌ബോള്‍ ടൂര്‍ണമെന്റ് സംഘടിപ്പിച്ചു. കോട്ടത്തറ അമ്പലത്തിടുത്തുള്ള ഫുട്‌ബോള്‍ മൈതാനത്താണ് ബംഗാളികള്‍ മാത്രം പങ്കെടുക്കുന്ന ഫുട്‌ബോള്‍ ടൂര്‍ണമെന്റ് തുടങ്ങിയിട്ടുള്ളത്. ഓരോ ടീമും 200 രൂപയാണ് മത്സരത്തില്‍ പങ്കെടുക്കാന്‍ നല്‍കേണ്ടത്. ബംഗാളികള്‍ മാത്രം പങ്കെടുക്കുന്ന ഫുട്‌ബോള്‍ മത്സരത്തില്‍ നിരവധി ബംഗാളി ടീമുകളാണ് പങ്കെടുക്കുന്നത്. തൊഴില്‍ നഷ്ടപ്പെട്ടതാടെ നാട്ടിലേക്ക് പോകാന്‍ തയ്യാറാകാതെ നിലവിലെ സാഹചര്യത്തെ പൊരുതിതോല്‍പ്പിക്കുകയാണ് തൊഴിലാളികളായ സാധാരണക്കാര്‍.