കണ്ണൂര്‍: ഡി.സി.സി പ്രസിഡന്റായി സതീശന്‍ പാച്ചേനി 17ന് രാവിലെ 10ന് ചേമ്പര്‍ ഹാളില്‍ കോണ്‍ഗ്രസ് പ്രവര്‍ത്തക കണ്‍വന്‍ഷനില്‍ ചുമതല ഏല്‍ക്കും. ഇപ്പോള്‍ ഡി.സി.സി ഓഫിസായി പ്രവര്‍ത്തിക്കുന്ന പാറക്കണ്ടിയിലെ ഓഫിസ് തെക്കിബസാര്‍ മക്കാനിക്ക് സമീപത്തെ എന്‍.ജി.ഒ അസോസിയേഷന്‍ ബില്‍ഡിങ്ങിലേക്ക് മാറ്റാനും യോഗം തീരുമാനിച്ചു. പ്രവര്‍ത്തക കണ്‍വെന്‍ഷനു ശേഷം ഉച്ചയ്ക്ക് 12.30ന് പുതിയ ഡി.സി.സി ഓഫിസിന്റെ ഉദ്ഘാടാനം നടക്കുമെന്ന് ഡി.സി.സി പ്രസിഡന്റ് കെ സുരേന്ദ്രന്‍ അറിയിച്ചു. ഉന്നതാധികാര സമിതിയോഗത്തില്‍ പങ്കെടുക്കാനെത്തിയ നിയുക്ത പ്രസിഡന്റ് സതീശന്‍ പാച്ചേനിയെ ഡി.സി.സി പ്രസിഡന്റ് കെ സുരേന്ദ്രന്‍ ഷാള്‍ അണിയിച്ച് സ്വീകരിച്ചു.
പി രാമകൃഷ്ണന്‍, വി.എ നാരായണന്‍, സജീവ് ജോസഫ്, സുമാബാലകൃഷ്ണന്‍, യു.ഡി.എഫ് ചെയര്‍മാന്‍ പ്രൊഫ. എ.ഡി മുസ്തഫ, അഡ്വ. മാര്‍ട്ടിന്‍ ജോര്‍ജ്, വി സുരേന്ദ്രന്‍, എം.പി മുരളി, കെ. പി പ്രഭാകരന്‍, വി.വി പുരുഷോത്തമന്‍ ചാക്കോ പാലക്കലോടി, മമ്പറം പി മാധവന്‍, ചന്ദ്രന്‍ തില്ലങ്കേരി, മുഹമ്മദ് ബ്ലാത്തൂര്‍, കെ.സി മുഹമ്മദ് ഫൈസല്‍ സംസാരിച്ചു.