തൃക്കരിപ്പൂര്‍: തൃക്കരിപ്പൂര്‍ ആര്‍ട്‌സ് ആന്റ് സയന്‍സ് കോളജില്‍ നടന്ന കണ്ണൂര്‍ സര്‍വകലാശാല സി സോണ്‍ ഫുട്‌ബോള്‍ ടൂര്‍ണമെന്റില്‍ പയ്യന്നൂര്‍ കോളജ് ജേതാക്കളായി. ഫൈനലില്‍ പിലാത്തറ സെന്റ് ജോസഫ്‌സ് കോളജിനെ പരാജയപ്പെടുത്തി. അഞ്ചു ദിവസമായി നടക്കാവ് സിന്തറ്റിക് സ്‌റ്റേഡിയത്തില്‍ നടന്ന ടൂര്‍ണമെന്റില്‍ ഇരുപതോളം ടീമുകള്‍ പങ്കെടുത്തു. വിജയികള്‍ക്കുള്ള ട്രോഫി മുന്‍ ഇന്ത്യന്‍ താരം എം സുരേഷ് വിതരണം ചെയ്തു. തൃക്കരിപ്പൂര്‍ ആര്‍ട്‌സ് ആന്റ് സയന്‍സ് കോളജ് ചെയര്‍മാന്‍ എം.സി ഖമറുദ്ദീന്‍, സെക്രട്ടറി സി.ടി ഖാദര്‍, പ്രിന്‍സിപ്പല്‍ ഡോ: പി.വി വിജയന്‍, യൂനിയന്‍ ചെയര്‍മാന്‍ വി.പി അസ്ഹര്‍, ഷംസീര്‍, വി.പി.പി ശുഹൈബ്, ഗണേഷ് സംബന്ധിച്ചു.