തളിപ്പറമ്പ്: റോഡില്‍ തെന്നിവീണ ബൈക്കിനു മുകളില്‍ ലോറി കയറി. അപകടത്തില്‍ ദൂരേക്കു തെറിച്ചു വീണ ബൈക്ക് യാത്രികനായ യുവാവിനു പരുക്കേറ്റു.
ഉളിക്കല്‍ താഴെ വീട്ടില്‍ മിഥു(25)നാണു പയ്യന്നൂരിലെ ജോലി സ്ഥലത്തേക്കു പോകവെ കുപ്പം പാലത്തിനു സമീപം ഇന്നലെ രാവിലെ ഏഴോടെ അപകടത്തില്‍പെട്ടത്. കണ്ണൂര്‍ ഭാഗത്തേക്ക് ഉള്ളിയുമായി വരികയായിരുന്ന ലോറി ബൈക്കിനു മുകളില്‍ കയറുകയായിരുന്നു. ദൂരേക്ക് തെറിച്ചുവീണതിനാല്‍ ലോറിയുടെ ഇടിയില്‍ നിന്നു യുവാവ് രക്ഷപ്പെട്ടു. വീഴ്ചയിലാണ് യുവാവിനു പരുക്കേറ്റത്.
മിഥുനെ പരിയാരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.