കോഴിക്കോട്: ഒ.വി വിജയന്റെ വിഖ്യാത നോവല്‍ 'ഖസാക്കിന്റെ ഇതിഹാസ'ത്തിന്റെ നാടകാവിഷ്‌കാരം ഇന്നു മുതല്‍ ബുധനാഴ്ച വരെ കോഴിക്കോട് മെഡിക്കല്‍ കോളജ് കാംപസ് ഗ്രൗണ്ടില്‍ നടക്കും. നാടകത്തിന്റെ ആദ്യ പ്രദര്‍ശനം ഇന്നു വൈകിട്ട് ആറിനു നടക്കും. പ്രവേശനം പാസ് മുഖേനയാണ്. നാടകത്തിന്റെ വിവിധ വിഭാഗങ്ങളിലായി 150ഓളം പാസുകള്‍ നാടകവേദിയില്‍ ലഭ്യമാക്കുന്നുണ്ട്. നാടകാവിഷ്‌കാരം നടത്തുന്നത് ദീപന്‍ ശിവരാമനും നിര്‍മാണം കെ.എം.കെ കലാവേദി തൃക്കരിപ്പൂരുമാണ്. കോഴിക്കോട് മെഡിക്കല്‍ കോളജ് കാംപസ് യൂനിയനും റാസ്‌ബെറി ബുക്‌സുമാണു സംഘാടകര്‍. പാസുകള്‍ക്ക് 8281235202, 9446574007 എന്നീ നമ്പറുകളില്‍ ബന്ധപ്പെടാം.