പട്ടാമ്പി: പട്ടാമ്പി ഗവ.സംസ്‌കൃത കോളജില്‍ അറബിക് വിഭാഗം സംഘടിപ്പിക്കുന്ന ത്രിദിന ദേശീയ ശില്‍പ്പശാലയും അന്താരാഷ്ട്ര അറബിക് ദിനാചരണവും ഇന്ന് ആരംഭിക്കും.അറബിക്-ഇംഗ്ലീഷ് ഭാഷാന്തരീയത്തിലെ കാലിക പ്രവണതകള്‍ എന്ന വിഷയത്തില്‍ നടക്കുന്ന ശില്‍പശാലയില്‍ ചെന്നൈ ന്യൂകോളജ് അറബിക് ഗവേഷണ മേധാവി ഡോ. അഹ്മദ് ഇബ്രാഹിം ഉദ്ഘാടനം ചെയ്യും. പ്രിന്‍സിപ്പല്‍ എന്‍ പി.എന്‍ അനിതകുമാരി അധ്യക്ഷയാകും.
പതിനാറിന് നടക്കുന്ന ലോക അറബിക് ഭാഷാദിനാചരണം ഡോ. അബ്ദുസാലിം യമനി ഉദ്ഘാടനം ചെയ്യും. കാലിക്കറ്റ് സര്‍വകലാശാല അറബിക് വിഭാഗം മുന്‍ മേധാവി ഡോ. എ.ഐ റഹ്മത്തുള്ള മുഖ്യപ്രഭാഷണം നടത്തും. വിവിധ സെഷനുകളിലായി ഡോ. കെ ഹംസ, ഡോ. കെ അബ്ബാസ്, ഡോ. മുഹമ്മദ് നൂറുല്‍ അമീന്‍, ഡോ. കെ.എം ഹിലാല്‍, ഡോ. സന്തോഷ്, ഡോ. പ്രതിഭ, ഡോ. അമല, ഡോ. പി അബ്ദു, പ്രൊഫ. എം അബൂബക്കര്‍, മുഹമ്മദ് അഷ്‌റഫ്, പുന്നൂസ് ജേക്കബ്, അബ്ദുള്ള എന്‍ജിനീയര്‍ സംബന്ധിക്കും.