നെടുമങ്ങാട്: വീട്ടുകാരോടെപ്പം ഓട്ടോയില്‍ ചക്കുളത്ത് കാവിലേക്ക് പോകും വഴി കാറുമായി ഇടിച്ചുണ്ടായ അപകടത്തില്‍ പരുക്കേറ്റ് വെഞ്ഞാറമൂട് ഗോകുലം മെഡിക്കല്‍ കോളജില്‍ പ്രവേശിപ്പിച്ച പ്ലസ്ടു വിദ്യാര്‍ഥി മരിച്ചു.
പൂവത്തൂര്‍ ചാമവിള കോളനി അജീഷ് ഭവനില്‍ അജി-ഉഷ ദമ്പതികളുടെ മകനും പൂവത്തൂര്‍ നെടുമങ്ങാട് ഗവ.എച്ച്.എസ്.എസ് പ്ലസ്ടു വിദ്യാര്‍ഥിയുമായ അജീഷ് (17)ആണ് മരിച്ചത്.
മൃതദേഹം തിരുവനന്തപുരം മെഡിക്കല്‍ കോളജ് ആശുപത്രിയില്‍ പോസ്റ്റുമാര്‍ട്ടത്തിന് ശേഷം ബന്ധുക്കള്‍ക്ക് വിട്ടുകൊടുത്തു. തുടര്‍ന്ന് പൂവത്തൂര്‍ ഗവ.എച്ച്.എസ്.എസില്‍ പൊതുദര്‍ശനത്തിന്‌വച്ചശേഷം വന്‍ജനാവലിയുടെ സാന്നിധ്യത്തില്‍ വീട്ടുവളപ്പില്‍ സംസ്‌കരിച്ചു. വിദ്യാര്‍ത്ഥികളായ അനന്തു, ആതിര എന്നിവര്‍ സഹോദരങ്ങളാണ്.