മുഖത്ത് മുളക് പൊടി വിതറി കവര്‍ച്ച
അമ്പലപ്പുഴ: പട്ടാപ്പകല്‍ വീട്ടമ്മയുടെ മുഖത്ത്മുളക് പൊടി വിതറി കവര്‍ച്ച. അമ്പലപ്പുഴ വടക്ക് പഞ്ചായത്ത് രണ്ടാം വാര്‍ഡ് കാക്കാഴം കാരപ്പറമ്പില്‍ അജിത്തിന്റെ ഭാര്യ സിന്ദുവിന്റെ മാലയാണ് കവര്‍ന്നത് .
ഇന്നലെ ഉച്ചക്ക് 12 മണിയോടെയാണ് സംഭവം. അമ്പലപ്പുഴയിലെ ബാങ്കില്‍ പോയി തിരികെ വന്ന ശേഷം അടുക്കള ജോലിയിലേര്‍പ്പെട്ടിരിക്കെ ആരോ കാളിംഗ് ബെല്ലടിച്ചു ഈ സമയം സിന്ദു വാതില്‍ തുറന്നപ്പോള്‍ പുറത്തു നിന്നിരുന്നയാള്‍ കണ്ണില്‍ മുളക് പൊടി വിതറിയ ശേഷം സിന്ദുവിനെ അകത്തേക്ക് തള്ളിയിടുകയായിരുന്നു .നിലത്തു വീണ ഇവരുടെ വാ പൊത്തിപിടിച്ച ശേഷം കഴുത്തിലണിഞ്ഞിരുന്ന മൂന്നര പവന്‍ വരുന്ന മാല വലിച്ചു പൊട്ടിച്ച് ഓടി രക്ഷപെടുകയായിരുന്നു. പിടിവലിയില്‍ സിന്ദുവിന്റെ കഴുത്തിന് പരിക്കേറ്റിട്ടുണ്ട്. അമ്പലപ്പുഴ പൊലീസില്‍ പരാതി നല്‍കി പൊലീസ് അന്വേഷണം ആരംഭിച്ചു.