കരുളായി: കുട്ടികളുടെ ഇടയില്‍ ലഹരിയുടെ ഉപയോഗം വര്‍ധിച്ചുവരുന്ന പശ്ചാത്തലത്തില്‍ മൂത്തേടം ഗവ. ഹയര്‍ സെക്കന്‍ഡറി സ്‌കൂളില്‍ നടക്കുന്ന ക്യാംപെയ്‌ന്റെ ഭാഗമായി സൗഹൃദ ഫുട്‌ബോള്‍ ടൂര്‍ണമെന്റ് സംഘടിപ്പിച്ചു. ഹയര്‍ സെക്കന്‍ഡറി വിഭാഗത്തിലെ വിദ്യാര്‍ഥിളെ ഉള്‍പെടുത്തിയാണ് സ്‌കൂളിലെ എന്‍.എസ്.എസും സ്‌കൗട്ട് യൂനിറ്റും ചേര്‍ന്ന് മത്സരം നടത്തിയത്. ഹ്യുമാനിറ്റീസ് ര@ാം വര്‍ഷ ബി ബാച്ച് ചാംപ്യന്മാരായി. റണ്ണറപ്പ് ട്രോഫി കൊമേഴ്‌സ് ഒന്നാം വര്‍ഷ ബി ബാച്ച് കരസ്ഥമാക്കി. വിജയികള്‍ക്ക് എടക്കര എസ്.ഐ സുനില്‍ പുളിക്കല്‍ ട്രോഫികള്‍ വിതരണം ചെയ്തു. പി.ടി.എ പ്രസിഡന്റ് ബഷീര്‍ കോട്ടയില്‍, എന്‍.എസ്.എസ് പ്രോഗ്രാം ഓഫീസര്‍ ഗഫൂര്‍ കല്ലറ, എസ്.എം.സി ചെയര്‍മാന്‍ കെ.മുനീര്‍, സ്‌കൗട്ട് കോഡിനേറ്റര്‍ എ.സി പ്രജില്‍, മറ്റ് പി.ടി.എ ഭാരവാഹികളും സംബന്ധിച്ചു.