വെളിയങ്കോട്: യുവാവിനെ തട്ടിക്കൊണ്ടുപോയി പണം കവര്‍ന്നതായി പരാതി. മര്‍ദനമേറ്റ യുവാവിനെ പൊന്നാനി താലൂക്ക് ആശുപതിയില്‍ പ്രവേശിപ്പിച്ചു. മേനകത്ത് വീട്ടില്‍ ഷഹീറിനെ കഴിഞ്ഞ ഞായറാഴ്ചയാണ് ചിലര്‍ തട്ടിക്കൊണ്ടുപോയി കെട്ടിയിട്ടു ഭീഷിണിപ്പെടുത്തി പണം തട്ടിയെടുത്തത്.
വെളിയങ്കോട് എസ്.ഐ പടിയിലാണ് സംഭവം. ഷഹീറിന്റെ സഹപ്രവര്‍ത്തകനും നാട്ടുകാരനും ചേര്‍ന്നാണ് കൃത്യം ചെയ്‌തെതെന്നും 25നു വിവാഹം നടക്കേണ്ട ഷഹീര്‍ വിവാഹ ആവിശ്യത്തിന് സ്വരൂപിച്ച പണമാണ് തട്ടിയെടുത്തതെന്നും പരാതിയില്‍ പറയുന്നുണ്ട് .
വിവാഹാവശ്യത്തിനായി സ്വര്‍ണമെടുക്കാനായി പോയപ്പോള്‍ തിരൂരിലെ ആളൊഴിഞ്ഞ വീട്ടില്‍ കെട്ടിയിടുകയും പിന്നീട് പണം നല്‍കിയതിന് ശേഷം വിട്ടയക്കുകയുമായിരുന്നു. പൊന്നാനി പൊലിസ് കേസെടുത്ത് അന്വേഷണം ആരംഭിച്ചു.