കൊണ്ടോട്ടി: സംസ്ഥാന ഹജ്ജ് കമ്മിറ്റിക്ക് കീഴില്‍ ഹജ്ജിന് അപേക്ഷിക്കുന്നവര്‍ക്ക് മെഷിന്‍ റീഡബിള്‍ പാസ്‌പോര്‍ട്ട് നിര്‍ബന്ധം. 2017 ജനുവരി 24ന് മുന്‍പ് അനുവദിച്ചതും 2018 ഫെബ്രുവരി 28വരെ കാലാവാധിയുമുള്ള പാസ്‌പോര്‍ട്ടുകളായിരിക്കണം ഹജ്ജ് തീര്‍ഥാടനത്തിന് സമര്‍പ്പിക്കേണ്ടത്. കൈ കൊണ്ട് എഴുതിയ പഴയ പാസ്‌പോര്‍ട്ടുകള്‍ക്ക് ഹജ്ജിന് നേരത്തെ തന്നെ വിലക്കുണ്ട്.
2017ലെ ഹജ്ജ് അപേക്ഷ ജനുവരി രണ്ടു മുതല്‍ 24 വരെ സ്വീകരിക്കും. നറുക്കെടുപ്പ് മാര്‍ച്ച് ഒന്നുമുതല്‍ എട്ട് വരെയുള്ള തിയതിക്കുള്ളില്‍ നടക്കും. അവസരം ലഭിക്കുന്നവര്‍ക്ക് പാസ്‌പോര്‍ട്ട് സമര്‍പ്പിക്കാനുള്ള തിയതി പിന്നീട് അറിയിക്കും.