കോഴിക്കോട്: നോട്ട് നിരോധനത്തിന്റെ മറവില്‍ സഹകരണ മേഖലയെ തകര്‍ക്കാനുള്ള നീക്കത്തില്‍ പ്രതിഷേധിച്ച് ബാങ്ക് ജീവനക്കാര്‍ പ്രതിഷേധ പ്രകടനം നടത്തി. മുന്നൊരുക്കമില്ലാതെ നോട്ട് നിരോധനം നടപ്പിലാക്കിയതിനാല്‍ രാജ്യത്താകമാനം കറന്‍സി ക്ഷാമം നേരിടുകയാണെന്ന് നേതാക്കള്‍ വാര്‍ത്താകുറിപ്പില്‍ പറഞ്ഞു. ഓള്‍ ഇന്ത്യാ ബാങ്ക് എംപ്ലോയീസ് അസോസിയേഷന്‍, ഓള്‍ കേരള കോപറേറ്റിവ് ബേങ്ക് ഫെഡറേഷന്‍, ഓള്‍ ഇന്ത്യാ ബേങ്ക് ഓഫിസേഴ്‌സ് അസോസിയേഷന്‍ എന്നിവയുടെ നേതൃത്വത്തില്‍ ജില്ലാ ബാങ്കിനു മുന്നിലാണ് പ്രതിഷേധ പ്രകടനം നടത്തിയത്. പി. പ്രദീപ്കുമാര്‍, കെ.വി സൂരി, എസ്. സുദേഷ്, പി. ജഗദീഷ് ബാബു, സുബാഷ് ചന്ദ്രന്‍ നേതൃത്വം നല്‍കി.