അങ്കാറ: തുര്‍ക്കി പ്രധാനമന്ത്രി അഹ്്മദ് ദാവൂദൊഗ്്‌ലു സ്ഥാനമൊഴിയുന്ന സ്ഥാനത്തേക്ക് ട്രാന്‍സ്‌പോര്‍ട് മന്ത്രി ബിനാലി യില്‍ദ്രിം നിയമിതനാകും. ഇതു തീരുമാനിക്കുന്നതിനായി അസാധാരണ പാര്‍ട്ടി കോണ്‍ഗ്രസ് നടന്നു. ഭരണകക്ഷിയായ എ.കെ പാര്‍ട്ടിയുടെ അസാധാരണ കോണ്‍ഗ്രസാണ് നടന്നത്. പ്രസിഡന്റ് ത്വയ്യിപ് ഉര്‍ദുഗാന്റെ ഉറ്റ അനുയായി ആണ് യില്‍ദ്രിം. 1,405 പേരുടെ വോട്ട് പാര്‍ട്ടി കോണ്‍ഗ്രസില്‍ യില്‍ദ്രിമിന് ലഭിച്ചു. ഉര്‍ദുഗാനൊപ്പം എ.കെ പാര്‍ട്ടിസ്ഥാപിച്ചത് 60 കാരനായ ഇദ്ദേഹമാണ്.

നേരത്തെ സ്ഥാനമൊഴിയുന്ന പ്രധാനമന്ത്രി ദാവൂദൊഗ്്‌ലു വിദേശകാര്യ മന്ത്രിയായിരുന്നു. ഉര്‍ദുഗാന്‍ പ്രസിഡന്റായതോടെ പ്രധാനമന്ത്രിയായി. ഏതാനും മാസമായി ഉര്‍ദുഗാനും ദാവൂദൊഗ്്‌ലുവും തമ്മില്‍ അഭിപ്രായഭിന്നത ഉടലെടുത്തതോടെയാണ് അദ്ദേഹം രാജിസന്നദ്ധത അറിയിച്ചത്.