വടക്കാഞ്ചേരി: തൃശൂര്‍ ജില്ലാ കോണ്‍ഗ്രസ് കമ്മിറ്റി അധ്യക്ഷനായി എ.ഐ.സി.സി നിയമിച്ച ഉടന്‍ നിയുക്ത ഡി.സി.സി പ്രസിഡന്റ്് ടി.എന്‍ പ്രതാപന്‍ നടത്തിയ പ്രഖ്യാപനം തനിക്ക് അഭിവാദ്യമര്‍പ്പിച്ച് ഒരു കോണ്‍ഗ്രസ് പ്രവര്‍ത്തകനും ഫ്‌ളക്‌സ് ബോര്‍ഡ് സ്ഥാപിക്കരുതെന്നും സ്വീകരണ യോഗങ്ങള്‍ സംഘടിപ്പിക്കരുതെന്നുമായിരുന്നു.
എന്നാല്‍ നാട് മുഴുവന്‍ ഇന്ന് പ്രതാപന്റെ ഫ്‌ളക്‌സുകളാണ്. കോണ്‍ഗ്രസിന്റെ വിവിധ യൂനിറ്റുകളും യൂത്ത് കോണ്‍ഗ്രസും മറ്റു പോഷക സംഘടനകളുമൊക്കെ ആവേശപൂര്‍വം സ്ഥാപിച്ച ഫ്‌ളക്‌സിലെല്ലാം പ്രതാപന്‍ നിറചിരിയുമായി നിലകൊള്ളുകയാണ്.
സ്ഥാപിച്ച ഫ്‌ളക്‌സുകള്‍ എടുത്ത് മാറ്റണമെന്ന് പ്രതാപന്‍ ആവശ്യപ്പെട്ടിട്ടുണ്ടെങ്കിലും ആരും ഗൗനിച്ചിട്ടില്ല