കണ്ണൂര്‍: കുന്നത്തൂര്‍പാടി മുത്തപ്പന്‍ ദേവസ്ഥാനത്ത് തിരുവപ്പന മഹോത്സവം 17 മുതല്‍ ജനുവരി 16 വരെ നടക്കും. 17നു രാവിലെ മുതല്‍ പൊടിക്കളത്തെ മടപ്പുരയില്‍ തന്ത്രി പോര്‍ക്കളത്തില്ലത്ത് സുബ്രഹ്മണ്യന്‍ നമ്പൂതിരിയുടെ കാര്‍മികത്വത്തില്‍ ഗണപതി ഹോമം അടക്കമുള്ള ചടങ്ങുകള്‍ നടക്കുന്നതോടെ മഹോത്സവത്തിനു തുടക്കമാവും.
വൈകുന്നേരത്തോടെ പാടിയില്‍ പ്രവേശിക്കല്‍ ചടങ്ങ് നടക്കും. രാത്രി മുത്തപ്പന്റെ നാലു ജീവിതഘട്ടങ്ങളായ പുതിയ മുത്തപ്പന്‍, പുറംകാല മുത്തപ്പന്‍, നാടുവാഴീശന്‍ ദൈവം, തിരുവപ്പ എന്നിവ കെട്ടിയാടും. മറ്റ് ഉത്സവ ദിവസങ്ങളില്‍ വൈകുന്നേരം ഊട്ടുംവെള്ളാട്ടവും രാത്രി 9.30നു തിരുവപ്പനയും ഉണ്ടാകും. ഒന്നിടവിട്ട ദിവസങ്ങളില്‍ മൂലംപെറ്റ ഭഗവതിയും കെട്ടിയാടുമെന്നും ട്രസ്റ്റി ആന്റ് ജനറല്‍ മാനേജര്‍ എസ്.കെ കുഞ്ഞിരാമന്‍ നായര്‍ വാര്‍ത്താസമ്മേളനത്തില്‍ അറിയിച്ചു