കണ്ണൂര്‍: സംസ്ഥാന യുവജനക്ഷേമ ബോര്‍ഡ് തദ്ദേശസ്വയംഭരണ സ്ഥാപനങ്ങളുടെ സഹകരണത്തോടെ സംഘടിപ്പിക്കുന്ന കേരളോത്സവത്തിന്റെ ജില്ലാതല മത്സരങ്ങള്‍ കണ്ണപുരം ഗ്രാമപഞ്ചായത്തില്‍ നടക്കും. 17 മുതല്‍ 22 വരെ നടക്കുന്ന കേരളോത്സവത്തിന്റെ ഉദ്ഘാടനം 17നു വൈകുന്നേരം 4.30ന് മന്ത്രി കെ.കെ ശൈലജ നിര്‍വഹിക്കും. സമാപന സമ്മേളനം 18നു വൈകുന്നേരം നാലിനു ടി.വി രാജേഷ് എം.എല്‍.എ ഉദ്ഘാടനം ചെയ്യും. 57 ഇന കലാമത്സരങ്ങളിലായി 2000ത്തോളം പേരും കായിക മത്സരങ്ങളില്‍ 4000ത്തോളം പേരും പങ്കെടുക്കും. കലാമത്സരങ്ങള്‍ കണ്ണപുരം ഗ്രാമപഞ്ചായത്തിലെ വിവിധ വേദികളിലും കായികമത്സരങ്ങള്‍ മാങ്ങാട്ടുപറമ്പ് യൂനിവേഴ്‌സിറ്റി ഗ്രൗണ്ട്, കെ.എ.പി ബറ്റാലിയന്‍ ഗ്രൗണ്ട്, ആന്തൂര്‍ മുനിസിപ്പാലിറ്റി ഗ്രൗണ്ട് എന്നിവിടങ്ങളിലും നടക്കും. വാര്‍ത്താസമ്മേളനത്തില്‍ ജില്ലാ പഞ്ചായത്ത് പ്രസിഡന്റ് കെ.വി സുമേഷ്, കെ.പി ജയബാലന്‍, വി.കെ സുരേഷ് ബാബു, കെ.വി രാമകൃഷ്ണന്‍, പി.പി ഷാജിര്‍, പി.കെ രാജന്‍, പി.സി ഷിലാസ്, സരിന്‍ ശശി സംബന്ധിച്ചു.