തിരുവനന്തപുരം: സൗഊദി അറേബ്യയിലെ ന്യൂ അല്‍ ഹിബാ മെഡിക്കല്‍ സെന്ററില്‍ വിവിധ ഒഴിവുകളിലേക്കുള്ള ഇന്റര്‍വ്യൂ ഈ മാസം 19ന് നടക്കും. കേരള സര്‍ക്കാരിന്റെ കീഴിലുളള നോര്‍ക്കറൂട്ട്‌സ് വഴിയാണ്  റിക്രൂട്ട്‌മെന്റ്. 19ന് രാവിലെ ഒമ്പത് മുതല്‍ തിരുവനന്തപുരം മസ്‌ക്കറ്റ് ഹോട്ടലിലാണ് ഇന്റര്‍വ്യൂ. സ്റ്റാഫ് നഴ്‌സ്ബി.എസ്.സി ജി.എന്‍.എം (വനിത), ലാബ് ടെക്‌നീഷ്യന്‍(വനിത) എന്നീ തസ്തികകളിലേക്കാണ് ഒഴിവുകള്‍. അപേക്ഷകള്‍ ഓണ്‍ലൈന്‍ വഴി മാത്രം സ്വീകരിക്കും. വെബ്‌സൈറ്റ്: www.jobsnorka.gov.in ടോള്‍ ഫ്രീ നമ്പര്‍ 1800 425 3939.