പയ്യോളി: സര്‍ഗാലയിലെ അന്തര്‍ദേശീയ കരകൗശലമേളക്ക് 18ന് തുടക്കമാവും. ഇന്ത്യയിലെ ഏറ്റവും മികച്ച റൂറല്‍ ടൂറിസം പ്രൊജക്ടായി കേന്ദ്ര ടൂറിസം വകുപ്പ് തെരഞ്ഞെടുത്ത സര്‍ഗാലയില്‍ 200 സ്റ്റാളുകളിലായി നാന്നൂറോളം കലാകാരന്‍മാര്‍ വൈവിധ്യമാര്‍ന്ന ഉല്‍പന്നങ്ങളാണ് ഒരുക്കിയിട്ടുള്ളത്. സര്‍ഗാലയിലെ സ്ഥിരം വിദഗ്ധര്‍ക്ക് പുറമേ സംസ്ഥാന ദേശീയ പുരസ്‌കാരങ്ങള്‍ നേടിയ എണ്‍പതോളം കലാകാരന്‍മാരും പങ്കെടുക്കുന്നുണ്ട്. ദേശീയ പുരസ്‌കാരം നേടിയ സര്‍ഗാലയിലെ മേള കേന്ദ്ര ടൂറിസം വകുപ്പിന്റെയും കേരള ടൂറിസം വകുപ്പിന്റെയും നബാര്‍ഡിന്റെയും സൗത്ത് സോണ്‍ കള്‍ച്ചറല്‍ സെന്ററിന്റെയും സഹകരണത്തോടെയാണ് നടക്കുന്നത്.